2022az geroztik, prebentzio-kultura sustatzen aritu gara Nafarroako enpresetan, eta doako laguntza- eta aholkularitza-zerbitzua eskaini diegu. Zure enpresak 100 langile baino gutxiago baditu, aukera bikaina duzu honako hau.

2025ean, Prebentzioko Lurralde Ordezkariaren proiektuarekin jarraituko dugu, Zaindu zure enpresaren osasuna kanpainaren barruan. Kanpaina hori 2022an jarri zen abian, eta laneko prebentzio-kultura sustatzea eta Nafarroako enpresetako langileen segurtasun-baldintzak hobetzea du helburu.

Doako laguntza, diagnostiko eta aholkularitza zerbitzua da, Nafarroako 2021-2024 Enplegu Planaren barruan kokatua eta Nafarroako Gobernuak finantzatua.

Ekimen horren bidez, besteak beste, honako helburu hauek lortu nahi dira: prebentzio-plana bultzatzea, laneko arriskuei buruz informatzea eta horiei aurrea hartzea, laneko ezbehar-tasak murriztea eta, batez ere, enpresei laneko arriskuen prebentzioaren arloan laguntzea eta aholkuak ematea.

100 langile baino gutxiago dituzten Sakanako enpresek jaso dezakete proiektu honen onura, eta interesa duzuenok gurekin harremanetan jar zaitezkete 948 468 307 telefonoan edo personal@aesakana.com helbide elektronikoan.